मुलुकको प्रमुख प्रशासकीय केन्द्रभित्रै दर्जनौ सहसचिव, उपसचिवहरु जिम्मेवारविहिन बनाएर राखिएको छ । ओएनएमको नाममा गृह मन्त्रालय संघीय मामिला तथा सामान्य प्रशासनदेखि प्रधानमन्त्री तथा मन्त्रिपरिषद्को कार्यालयसम्म दर्जनौं सहसचिव,उपसचिवहरु अतिरिक्त समूहमा राखिएको छ ।

बिज्ञापन

गृह मन्त्रालयमा मात्र पाँच सहसचिव अतिरिक्त समूहमा राखिएको छ । विभिन्न मन्त्रालयबाट गृहमा तानिएका,गृह मातहतकै निकायबाट फिर्ता भएका सहसचिवहरु जिम्मेवारी पाउन सकेका छैनन् । गृह प्रशासनका अनुसार, प्रमुख जिल्ला अधिकारीको भूमिकाबाट गृहमा तानिएका बासुदेव घिमिरे, राष्ट्रिय किताबखानाबाट गृह पुगेका श्रवणकुमार पोखरेल, उपराष्ट्रपति कार्यालयबाट आएका पौडेल चिरञ्जीवी पौडेलका अलवा पुष्पराज शाही र भूपेन्द्र थापा लामो समयदेखि जिम्मेवारीविहिन छन् ।शाही र थापालाई हालैमात्र छानबिन आयोगको जिम्मेवारी दिइएको थियो । यसरी लामो समयदेखि जिम्मेवारी नपाएका सहसचिवहरुको दैनिकी दैनिकी बनेको छ मन्त्रालय जाने हाजिर गर्ने फर्कने । ओएनएमपछि केही उपसचिवहरु समेत फाजिलमा परेर गृहको अतिरिक्त समूहमा थपिँदैछन् ।